‘मेड इन इंडिया’ स्मार्ट TV हवाय?, या कंपन्या बेस्ट

‘मेड इन इंडिया’ स्मार्ट TV हवाय?, या कंपन्या बेस्ट

‘मेड इन इंडिया’ स्मार्ट TV हवाय?, या कंपन्या बेस्ट
भारत - चीन यांच्यात गेल्या काही दिवसांपासून तणाव सुरू होता. त्यानंतर जून महिन्यात केंद्र सरकारने ५९ चायनीज अ‍ॅप्सवर बंदी घातल्यानंतर या दोन देशांतील संबंध अधिक तणावपूर्ण झाले आहेत. देशात यानंतर चायनीज उत्पादनावर बंदी घालण्याची मागणी जोर धरत आहे. अनेक जण स्वत:हून चायनीज उत्पादन घेणे टाळत आहे. देसी उत्पादनाची मागणी वाढली आहे. देसी स्मार्टफोन कंपन्या पुन्हा एकदा सक्रीय झाल्या आहेत. त्यांना त्याचा फायदा मिळत आहे. ‘मेड इन इंडिया’ स्मार्टफोनची ज्याप्रमाणे मागणी वाढत आहे. त्याच प्रमाणे ‘मेड इन इंडिया’ टीव्हीची मागणी सुद्धा वाढत आहे. तुम्हाला सुद्धा ‘मेड इन इंडिया’ टीव्ही खरेदी करायचा असेल तर खूप ऑप्शन आहेत. या ठिकाणी आम्ही तुम्हाला ‘मेड इन इंडिया’ स्मार्ट टीव्ही ब्रँड्स संबंधित माहिती देत आहोत. जे वर्ल्ड क्लास फीचर्सचे स्मार्ट टीव्ही ऑफर करतात. जाणून घ्या.

Onida 
ओनिडा भारताची सर्वात जुनी टीव्ही कंपन्यापैकी एक आहे. कंपनीकडे फुल एचडी स्मार्ट टीव्हीची मोठी रेंज आहे. कंपनीने नुकतीच भारतात अ‍ॅमेझॉन फायर टीव्ही एडिशन लाँच केले आहे. Onida फायर टीव्ही एडिशन स्मार्ट टीव्ही ३२ आणि ४३ इंचाच्या अशा दोन साइजमध्ये लाँच करण्यात आलेत. ३२ इंचाच्या टीव्हीची किंमत १२ हजार ९९९ रुपये आहे, तर ४३ इंचाच्या टीव्हीची किंमत २१ हजार ९९९ रुपये आहे.टीव्हीमध्ये फुल एचडी रिझोल्युशन देण्यात आला आहे. ओनिडाचा हा टीव्ही सहजपणे इंटरनेटशी कनेक्ट करता येतो. यातील फायर टीव्ही प्लॅटफॉर्म अ‍ॅमेझॉन फायर टीव्ही स्टिकप्रमाणेच आहे.

सुपर प्लास्ट्रॉनिक्स (थॉमसन/कोडॅक)
ही कंपनी भारतात कोडॅक आणि थॉमसन यांच्या ब्रँड लायसन्सी आहे. कंपनीच्या उना, जम्मू आणि नोएडा मध्ये मॅन्यूफॅक्चरिंग प्लांट आहेत. कोडॅक आणि थॉमसनने नुकतीच ओथ प्रो सीरीज लाँच केले आहे. जबरदस्त फीचर असलेल्या या टीव्हीची किंमत २४ हजार ९९९ रुपये आहे. थॉमसन ओथ प्रो सीरीज अंतर्गत कंपनीने ४३ इंच, ५५ इंच आणि ६५ इंचाचा टीव्ही लाँच केल्या आहेत. ४३ इंच टीव्हीची किंमत २४ हजार ९९९ रुपये, ५५ इंचाच्या टीव्हीची किंमत ३२ हजार ९९९ रुपये तर ६५ इंचाच्या टीव्हीची किंमत ५२ हजार ९९९ रुपये आहे. या तिन्ही मॉडलची विक्री ५ जुलै २०२० पासून फ्लिपकार्टवर सुरू करण्यात आली आहे.

​Diawa
डाइवा ​Diawa एक प्रसिद्ध इंडियन स्मार्ट टीव्ही ब्रँड आहे. कंपनीकडे लेटेस्ट टेक्नोलॉजीचे स्मार्ट टीव्हीचे अनेक पर्याय उपलब्ध आहेत. डाइवाच्या टीव्हीत जबरदस्त पिक्चर क्वॉलिटी आणि साऊंड सोबत येतात. कंपनीने नुकतीच एक नवीन रेंज लाँच केले आहे. ज्यात 65 इंच (D65QUHD-M10, 165cm) आणि 55 इंच (D55QUHD-M10, 140cm) 4K UHD स्मार्ट टीव्हीचा समावेश आहे. या दोन्ही टीव्हीत १६ भाषा आणि विविध १० हजारांहून अधिक चित्रपटाचा सपोर्ट मिळतो. या स्मार्ट टीव्हीसोबत दोन वर्षांची वॉरंटी मिळते. या टीव्हीत अँड्रॉयड ९.० टीव्ही ऑपरेटिंग सिस्टम दिली आहे. डिव्हीचा डिस्प्ले रिजॉल्यूशन 4K UHD (3840x2160) पिक्सल आहे. ६५ इंच (D65QUHD-M10, 165cm) च्या टीव्हीची किंमत ५१ हजार ९९० रुपये आणि ५५ इंच (D55QUHD- M10, 140cm) च्या टीव्हीची किंमत ३४ हजार ९९० रुपये आहे.

Shinco
भारतीय टेलिव्हीजन ब्रँड Shinco ने लेटेस्ट एलईडी स्मार्ट टीव्ही S43UQLS लाँच केला आहे. शिंको एक नोएडा बेस्ड टीव्ही ब्रँड आहे. याला व्हिडिओटेक्स इंटरनॅशनलने लाँच केले होते. शिंकोकडे ऑफर करण्यासाठी २४ इंचा पासून ६५ इंचा पर्यंतचे स्मार्ट टीव्ही आहेत. याची किंमत ५ हजार ४०० रुपयांपासून सुरू होते. शिंकोचा सर्वात महागडा टीव्हीची किंमत ४८ हजार रुपये आहे. कंपनीने नुकतीच ४३ इंचाचा ४के स्मार्ट टीव्ही भारतात लाँच केला आहे. ज्याची किंमत २० हजार ९९९ रुपये आहे. या टीव्हीच्या किंमती आणि अन्य माहिती पाहण्यासाठी कंपनीच्या अधिकृत वेबसाइट shinco.in आणि अ‍ॅमेझॉन इंडियावरून या टीव्ही खरेदी करता येवू शकतात.