तापसीने आपल्या दमदार अभिनयाने बॉलिवूडमध्ये स्वत:चं वेगळं स्थान निर्माण केलं

तापसीने आपल्या दमदार अभिनयाने बॉलिवूडमध्ये स्वत:चं वेगळं स्थान निर्माण केलं

आपल्या दमदार अभिनयासाठी ओळखली जाणारी तापसी पन्नू हिने बॉलिवूडमध्ये स्वत:चं वेगळं स्थान निर्माण केलं. चौकटी बाहेरच्या भूमिका साकारत तापसीने हळहळू जम बसवला. पण एक अभिनेत्री होणे तिच्यासाठी सोपे नव्हते. चला जाणून घेऊया तापसीच्या आयुष्यातील काही खास गोष्टी. 

तापसीचे दिल्लीमधील अशोक विहार या शाळेत शालेय शिक्षण झाले. त्यांनतर तिने इंजिनियरींगचे शिक्षण घेतले. तापसीने त्यावेळी व्ही चॅनेलवरील 'गेट गॉर्जियस' या रिॲलिटी शोमध्ये सहभाग घेतला. या शोमधून तिने तरुणांच्या मनावर राज्य केले. त्यानंतर तिने मॉडलिंगमध्ये करिअर करण्यास सुरुवात केली. दरम्यान तिला दाक्षिणात्य चित्रपटांच्या ऑफर आल्या. २०१०मध्ये तिने तेलुगू चित्रपटामध्ये काम करत अभिनयाच्या प्रवासाला सुरुवात केली. तिने अभिनयाच्या जोरावर स्वत:ची अशी वेगळी ओळख निर्माण केली. २०१३मध्ये तिने 'चष्मेबद्दूर' या चित्रपटातून बॉलिवूडमध्ये पदार्पण केले. तिचे 'पिंक', ‘बदला’,‘गेम ओव्हर’,‘मिशन मंगल’,‘सांड की आँख’ आणि ‘थप्पड’ हे बॉलिवूड चित्रपट हिट ठरले. ‘रश्मी रॉकेट’, ‘शाबाश मिठ्ठू’, ‘हसीन दिलरुबा’ आणि ‘लूप लपेटा’ असे काही तिचे चित्रपट येत्या काळात प्रदर्शित होणार आहेत.